کیا موٹرز نے گزشتہ مہینے ڈالر کی قدر میں کمی کے ساتھ اپنی گاڑیوں کی قیمتوں میں واضح کمی کی تھی جس پر صارفین نے مسرت کا اظہار کیا تھا لیکن ایک مرتبہ پھر سے نومبر کے آغاز میں کار ساز کمپنی نے گاڑیوں کی قیمت میں کمی کا اعلان کر دیا ہے ۔
جن گاڑیوں کی قیمتوں میں کمی کی گئی ان میں کیا کی سورینٹو اور کارنیوال شامل ہیں۔ مثال کے طور پر کیا کی کارنیوال کی پرانی قیمت ایک کروڑ 71 لاکھ 50 ہزار روپے تھی جو کہ کمی کے بعد ایک کروڑ 60 لاکھ روپے کر دی گئی ہے یعنی گاڑی تقریبا ساڑھے گیارہ لاکھ روپے سستی ہوئی ہے۔
اس کے علاوہ کیا سورینٹو 2.4 لیٹر ایف ڈبلیو ڈی کی قیمت 89 لاکھ 99 ہزار روپے مقرر کر دی گئی ہے، کیا سورینٹو 3.5 لیٹر ایف ڈبلیو ڈی کی پرانی قیمت ایک کروڑ 12 لاکھ 90 ہزار روپے تھی جو کہ کمی کے بعد 94 لاکھ 99 ہزار روپے پر آ گئی ہے، گاڑی کی قیمت میں تقریبا 17 لاکھ روپے تک کمی کی گئی ہے۔
پاکستان میں کیا کی سپورٹیج کو بے حد پسند کیا جا رہا ہے جو کہ اس وقت تقریبا 73 لاکھ روپے پر فروخت ہو رہا ہے، سپورٹیج ایف ڈبلیو ڈی 84 لاکھ اور کیا سپورٹیج بلیک ورژن 93 لاکھ روپے میں فروخت کیلئے پیش کیا جا رہا ہے۔
