سونے کی قیمت مزید گرگئی، فی تولہ سونا 1800 روپے اور فی اونس 18 ڈالر سستا ہوگیا۔
عالمی و مقامی مارکیٹوں میں جمعہ کو سونے کی قیمتوں میں ایک بار پھر کمی ریکارڈ کی گئی ۔
آل پاکستان صراف اینڈ جیولرز ایسوسی ایشن کے مطابق عالمی بلین مارکیٹ میں سونا 18 ڈالر کی کمی سے 3325 ڈالر فی اونس کا ہوگیا۔
بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 1800 روپے کی کمی سے 3 لاکھ 50 ہزار 900 روپے کا ہوگیا۔
ایسوسی ایشن کے اعداد و شمار کے مطابق دس گرام سونے کی قیمت 1543 روپے کی کمی کے بعد 3 لاکھ 84 ہزار 840 روپے پر آگئی۔
یاد رہے کہ جمعرات کو سونے کی فی تولہ قیمت 4 ہزار 200 روپے کی کمی سے 3 لاکھ 52 ہزار 700 روپے ہوگئی تھی۔
رپورٹ کے مطابق چاندی کی فی تولہ قیمت 3 ہزار 417 روپے پر برقرار ہے۔
یاد رہے کہ گزشتہ ہفتے کے دوران پاکستان میں فی تولہ سونے کی قیمت میں 6500 روپے اور فی اونس 65 ڈالر کمی ہوگئی تھی۔
دوسری جانب اپریل کے مہینے میں پاکستان میں سونے کی قیمت میں مجموعی طور پر فی تولہ 20800 روپے اور عالمی سطح پر فی اونس 195 ڈالر کا اضافہ ریکارڈ کیا گیا تھا۔
