سپریم کورٹ آئینی بینچ نے بانی تحریک انصاف کیخلاف توہین عدالت کیس ریگولر بینچ کو بھجوا دیا۔ فیصلہ پی ٹی آئی وکیل اور ایڈیشنل اٹارنی جنرل کی استدعا پر کیا گیا ۔
جسٹس امین الدین کی زیرسربراہی پانچ رکنی بینچ نےکیس کی سماعت کی،جسٹس جمال خان مندوخیل نےاستفسار کیا یہ کیس کیا یہ ریگولر بینچ کا نہیں ؟پی ٹی آئی وکیل سلمان اکرم راجا نے جواب دیا اس کیس میں کوئی آئینی مسئلہ نہیں ریگولر بینچ کو بھجوا دیں۔
ایڈیشنل اٹارنی جنرل نےکہا مخصوص نشستوں میں بھی عدالت نےتوہین عدالت کا کیس ریگولر بینچ کو بھیجا،یہ بھی ریگولر بینچ کو بھجوا دیں،فریقین کا مؤقف سننے کےبعد کیس ریگولر بینچ کو بھجوا دیا گیا پچیس مئی دوہزار بائیس کےعدالتی حکم کے برخلاف لانگ مارچ پر توہین عدالت کی کارروائی کا فیصلہ ہوا تھا۔
