صدر استحکام پاکستان پارٹی عبدالعلیم خان کی پاک فوج کو بھارتی حملوں کادندان شکن جواب دینے پر دادِ شجاعت دی اور رات کے اندھیرے بلا اشتعال بھارتی حملے کی بھرپور مذمت کی۔
وفاقی وزیر مواصلات عبدالعلیم خان نے کہا کہ بھارت صرف کمزور نہیں کم ظرف دشمن بھی ثابت ہوا ہے۔ بزدلانہ کارروائیوں میں جنگ کے اخلاقی اصولوں کو بھی روندا گیا۔ نہتے شہریوں کا خون بھارت سرکار کے ماتھے کا بدنما داغ بن چکا۔
صدر استحکام پاکستان پارٹی نے کہا کہ عبدالعلیم خان نے کہا کہ بھارت نےکم ظرفی کا مظاہرہ کرتے ہوئے پاکستان کے 26 معصوم شہریوں کوشہید کیا۔ مساجد کونشانہ بنا کر بھارت نے ایک بار پھر مسلم دشمنی کا ثبوت دیا۔
عبدالعلیم خان نے کہا طبل جنگ بج چکا۔ پاکستان کی دلیر افواج نے دفاع کا حق استعمال کرتے ہوئے بھارتی خوش فہمی دورکردی۔ پاک فضائیہ کی جوابی کارروائی سےبھارت دنیامیں کہیں منہ دکھانے کے قابل نہیں رہا۔ مودی کے جنگی جنون نے خطے کا امن وسکون داؤ پر لگادیا۔
صدر آئی پی پی نے کہا بھارتی ہٹ دھرمی نےثابت کیاکہ وہ لاتوں کے بھوت ہیں باتوں سےنہیں مانتے۔ پاک فوج کے ہاتھوں بھاری ہزیمت دنیا بھر میں مودی سرکارکی رسوائی کا سبب بن چکی۔ پاکستان امن کا داعی ہے اور ابھی بھی جنگ کےبجائے امن ہماری پہلی ترجیح ہے۔
