ٹلہ رینجز میں پاک فوج کی آپریشنل مشقیں بھرپور طریقے سے جاری ہیں، سالانہ فیلڈ فائرنگ کی آپریشنل تیاریوں کیلئے مختلف یونٹس کی مشترکہ تربیت ہوئی۔
مشقوں میں جدید ہتھیاروں اور ٹیکٹکس کا عملی مظاہرہ کیا گیا، پاک فوج کے جوانوں کا بلند حوصلہ اور پیشہ ورانہ مہارت نمایاں ہیں۔
کور کمانڈر لاہور لیفٹیننٹ جنرل فیاض حسین شاہ نے مشقوں کا معائنہ کیا اور افسروں اور جوانوں سے ملاقات کی
کور کمانڈر لاہور نے جوانوں کی پیشہ ورانہ مہارت اور صلاحیت کو سراہا، ٹلہ رینجز میں مشقوں کا مقصد حقیقی جنگی ماحول میں تیاری کو جانچنا ہے۔
مشقوں کا مقصد دشمن کی کسی بھی جارحیت کا بھرپور جواب دینے کی تیاری ہے، پاک فوج ہمہ وقت چوکس اور فرض شناسی کی ایک عمدہ مثال ہے۔
