سعودی عرب میں بس حادثے کے نتیجے میں خواتین سمیت 5 پاکستانی عمرہ زائرین جاں بحق جبکہ متعدد عمرہ زخمی ہوگئے۔ سعودی ریسکیو ٹیموں نے نعشوں اور زخمیوں کو قریبی ہسپتالوں میں منتقل کر دیا۔
پاکستان سے عمرہ کی ادائیگی کے لیے آئے ہوئے عمرہ زائرین کی بس بدر سے مدینہ منورہ جاتے ہوئے حادثے کا شکار ہو گئی جس میں پاکستان سے تعلق رکھنے والی 3 خواتین سمیت پانچ افراد جاں بحق ہو گئے۔ حادثے میں متعدد افراد اور خواتین زخمی ہو گے جن میں بچے اور بزرگ بھی شامل ہیں۔
ذرائع کے مطابق جاں بحق خواتین اور مردوں کا تعلق پاکستان کے ضلع بہاولنگر سے ہے، جاں بحق خواتین میں سے دو خواتین کا تعلق ضلع بہاولنگر کے گاؤں 228 نائں آر سے ہے اور تیسری خاتون کا تعلق بہاولنگر کے نواحی گاؤں 201 مراد سے ہے جبکہ مردوں میں اک بزرگ کا تعلق نواحی گاؤں 39 تھری آر سے ہے اور دوسرے بزرگ کا تعلق ڈاہرنوالہ شہر سے بتایا جا رہا ہے۔
تمام نعشوں اور زخمیوں کو سعودی ریسکیو ٹیموں نے مختلف قریبی اسپتالوں میں منتقل کر دیا ہے جہاں زخمیوں کو بہترین طبی سہولیات فراہم کی جارہی ہیں۔
