ترجمان بلاول بھٹو مرتضیٰ وہاب کا کہنا ہے کہ وفاق پہلے نہروں کا منصوبہ ختم کرنے کا اعلان کرے، پھر مذاکرات کریں گے۔
بلاول بھٹو کے ترجمان اور میئرکراچی مرتضیٰ وہاب کا کہنا ہے کہ پنجاب کے وزرا کے بیانات کی وجہ سے نہروں کا معاملہ خراب ہوا ۔ وزیراعظم سے فیصلہ چاہتے ہیں۔
مرتضیٰ وہاب نے کہا کہ وفاقی حکومت کو نہروں کے منصوبے سے دستبردار ہونا چاہیے، کسی ایک سے پانی لے کر دوسرے کو دینا آئین میں نہیں۔ متنازع کینالز پر صدرپاکستان اور بلاول بھٹو کا واضح موقف ہے۔
میئر کراچی مرتضیٰ وہاب نے مزید کہا کہ کراچی کےلیے 5 یا10 نہیں100ارب کا پیکج چاہیے، عوام کے حقوق پر سمجھوتہ نہیں کریں گے۔
