پشاور زلمی کے کوچ نے بابراعظم کے مکمل فٹ ہونے کا اعلان کر دیا ہے ۔
تفصیلات کے مطابق پشاور زلمی کے کوچ کے بابراعظم سے متعلق بیان کے بعد کھلاڑی سے متعلق تمام افواہیں دم توڑ گئیں ہیں ۔ یاد رہے کہ دو روز قبل پریکٹس سیشن کے دوران بابراعظم معمولی زخمی ہوئے تھے اور ان کی گراونڈ سے باہر آنے کے دوران لنگڑانے کی ویڈیو سوشل میڈیا پر وائرل ہو ئی تھی ۔
ویڈیو وائر ل ہونے کے بعد سوشل میڈیا پر بابراعظم سے متعلق مختلف افواہیں گردش کرنا شروع ہو گئیں تھیں تاہم اب پشاور زلمی کے کوچ نے بیان جاری کرتے ہوئے صورتحال واضح کر دی ہے ۔
