سوئی سدرن اور ناردرن گیس کمپنیوں نے گیس کی اوسط قیمت بڑھانے کی درخواستیں دائر کردیں، سماعتیں 18 سے 23 اپریل تک چار شہروں میں ہوں گی۔
مہنگائی کے مارے عوام کیلئے ایک اور بری خبر ہے کہ گیس کمپنیوں نے مالی سال 26-2025ء کی مالی ضروریات کی درخواستیں دائر کردیں۔
سوئی ناردرن کی 700 ارب 97 کروڑ روپے کی مالی ضروریات کی فراہمی کی درخواست دائر دی گئی ہے، سوئی ناردرن نے گیس کی اوسط قیمت 2485 روپے 72 پیسے فی ایم ایم بی ٹی یو مقرر کرنے کی درخواست کی ہے۔
رپورٹ کے مطابق سوئی ناردرن نے 207 ارب 43 کروڑ 50 لاکھ کا شارٹ فال وصول کرنے کی درخواست دی ہے، درخواست پر سماعتیں 18 اور 28 اپریل کو لاہور اور پشاور میں ہوں گی۔
رپورٹ کے مطابق سوئی سدرن کی جانب سے 883 ارب 54 کروڑ 40 لاکھ روپے کی مالی ضروریات کی درخواست دائر کی گئی ہے جس میں اوسط قیمت 4137 روپے 49 پیسے فی ایم ایم بی ٹی یو مقرر کرنے کی استدعا کی گئی ہے۔
رپورٹ میں بتایا گیا ہے کہ سوئی سدرن کی جانب سے 44 ارب 33 کروڑ 20 لاکھ روپے کے شارٹ فال کی وصولی کی پر 21 اور 23 اپریل کو کراچی اور کوئٹہ میں سماعتیں ہوں گی۔
