غزہ میں اسرائیلی حملوں کے بعد مشرق وسطیٰ میں پیدا ہونے والی مجموعی کشیدگی کے باعث عالمی منڈی میں خام تیل کی قیمت میں دوگنا اضافہ ہوسکتا ہے۔
ورلڈ بینک نے انتباہ کیا ہے کہ عالمی منڈی میں خام تیل کی قیمت 150 ڈالر فی بیرل سے تجاوز کرسکتی ہے جو اس وقت برطانوی خام تیل برینٹ کروڈ آئل کی قیمت 87 اعشاریہ 84 ڈالر فی بیرل ہے جب کہ امریکی خام تیل ویسٹ ٹیکساس انٹرمیڈیٹ کی فی بیرل قیمت 82 اعشاریہ 69 ڈالر فی بیرل ہے۔
ورلڈ بینک کے مطابق تنازع میں شدت آئی تو عالمی سطح پر اجناس اور تیل کی قیمتوں میں یکدم اضافہ ہوسکتا ہے تاہم کم اور درمیانی شدت کے علاقائی خلل کی صورت میں بھی تیل کی عالمی قیمت 102سے 121 ڈالر فی بیرل تک جاسکتی ہے۔
ورلڈ بینک کا کہنا ہے کہ ، تیل پیدا کرنے والے مرکزی ممالک نے سپلائی کم کردی تو 1970کی دہائی والی صورت حال پیدا ہوسکتی ہے۔ ورلڈ بینک کا کہنا ہےکہ یوکرین جنگ اور اب غزہ جنگ سے اجناس کی مارکیٹ کے لیے دوہرا جھٹکا ہوگا۔
