ایئر یونیورسٹی کی شعور سوسائٹی نے کارپوریٹ سوشل ریسپانسبلیٹی سوسائٹی کے تعاون سے جعفر ایکسپریس حملے کے متاثرین سے اظہار یکجہتی کے لیے ایک امن واک کا اہتمام کیا۔
یونیورسٹی کے مختلف شعبوں سے تعلق رکھنے والے طلبہ نے بڑی تعداد میں اس واک میں حصہ لیا اور دہشت گردی کے خلاف اپنی آواز بلند کی۔
واک کے شرکاء نے ہاتھوں میں بینرز اور پلے کارڈز اٹھا رکھے تھے، جن پر “11 مارچ – یوم سیاہ”, “ہم متحد ہیں”, “دہشت گردی ہمارا سفر نہیں روک سکتی” اور “جعفر ایکسپریس ہمارے دلوں میں زندہ ہے” جیسے نعرے درج تھے۔
اس موقع پر طلبہ نے امن اور ہم آہنگی کا پیغام دیا اور دہشت گردی کی شدید مذمت کی۔
واک کے دوران طلبہ نے دہشت گردوں اور دہشت گردی میں ملوث عناصر کے خلاف سخت کارروائی کا مطالبہ کیا۔
شرکاء نے اس عزم کا اعادہ کیا کہ وہ ہر حال میں امن کے فروغ اور دہشت گردی کے خاتمے کے لیے اپنا کردار ادا کرتے رہیں گے۔
یہ امن واک نہ صرف متاثرین سے یکجہتی کا اظہار تھی بلکہ نوجوانوں کے دہشت گردی کے خلاف متحدہ موقف اور پرامن معاشرے کے قیام کے عزم کی عکاسی بھی کرتی ہے۔
