نیشنل ٹی 20 کپ میں پشاور ریجن کے ٹاپ آرڈر بیٹر صاحبزادہ فرحان نے شاندار کارکردگی کا مظاہرہ کرتے ہوئے نیا قومی ریکارڈ قائم کر دیا ہے۔
صاحبزادہ فرحان نے ٹورنامنٹ کے پہلے سیمی فائنل میں ایبٹ آباد ریجن کے خلاف 58 گیندوں پر 6 چھکوں اور 8 چوکوں کی مدد سے سنچری اسکور کی اور اس شاندار اننگز کے ساتھ انہوں نے نیشنل ٹی 20 کپ کے موجودہ ایڈیشن کی صرف 6 اننگز میں 588 رنز بنا لیے ہیں جس سے انہوں نے ایک ایڈیشن میں سب سے زیادہ رنز کا نیا ریکارڈ اپنے نام کیا ہے۔
دلچسپ بات یہ ہے کہ اس سے قبل بھی یہ ریکارڈ انہی کے پاس تھا جب انہوں نے گزشتہ سیزن میں 12 اننگز میں 492 رنز اسکور کیے تھے۔
اس کے علاوہ صاحبزادہ فرحان نے فخر زمان کے ایک ٹی 20 ٹورنامنٹ کے ایڈیشن میں سب سے زیادہ رنز کا قومی ریکارڈ بھی برابر کر دیا ہے۔
فخر زمان نے پاکستان سپر لیگ 2022 کے 13 اننگز میں 588 رنز بنائے تھے۔
