اسلام آباد کی انسداد دہشت گردی عدالت نے مراد سعید، حماد اظہر اور فرخ حبیب کو اشتہاری قرار دے دیا۔ واثق قیوم اور راجہ بشارت سمیت پی ٹی آئی کے دیگر غیر حاضری رہنماؤں کے وارنٹ گرفتاری جاری کردیئے گئے۔
اسلام آباد کی انسداد دہشت گردی عدالت نے جوڈیشل کمپلیکس حملہ کیس میں مسلسل غیر حاضری پر پاکستان تحریک انصاف کے رہنماؤں سابق وفاقی وزراء مراد سعید، حماد اظہر اور فرخ حبیب کو اشتہاری قرار دیدیا۔
انسداد دہشت گردی عدالت نے واثق قیوم، راجہ بشارت سمیت دیگر غیر حاضر ملزمان کے وارنٹ گرفتاری جاری کردیئے۔
انسداد دہشت گردی عدالت کے جج طاہرعباس سِپرا نے کیس کی سماعت کی، دیگر ملزمان کی حاضری لگانے کے بعد سماعت 7 اپریل تک ملتوی کردی گئی۔ پی ٹی آئی رہنماوں کیخلاف تھانہ رمنا میں 2 مقدمات درج ہیں۔
