اپوزیشن سینیٹر کے پروڈکشن آرڈر پر عملدرآمد نہ ہونے کے معاملے پر چیئرمین سینیٹ کی حکومت کی ناراضی برقرار ہے۔
سید یوسف رضا گیلانی آج بھی سینیٹ اجلاس کی صدارت کریں گے۔ تاہم اس سیشن کے لیے سینیٹر اعجاز چوہدری کے نئے پروڈکشن آرڈر جاری نہیں کئے گئے۔ سینیٹ کا اجلاس آج صبح ساڑھے 11 بجے پارلیمنٹ ہائوس میں ہوگا
مسلم لیگ ن کے پارلیمانی لیڈر سینیٹر عرفان صدیقی نے بھی چیئرمین سینیٹ کی ناراضی کی تصدیق کردی۔ کہا چیئرمین سینیٹ ذاتی کام کے سلسلے میں کراچی میں ہیں، آج اجلاس کی صدارت ڈپٹی چیئرمین یا پریزائیڈنگ افسر کریں گے۔ چیئرمین سینیٹ یوسف رضا گیلانی کی ناراضی کو دورکریں گے۔
خیال رہے کہ یوسف رضا گیلانی نے بطور احتجاج گزشتہ سیشن کی صدارت کا بائیکاٹ کیا تھا، اعلانات کے باوجود حکومت چیئرمین سینیٹ کو منانے میں کامیاب نہ ہوئی۔ پارلیمانی ذرائع کے مطابق نئے سیشن کے لیے اعجاز چوہدری کے پروڈکشن آرڈر جاری نہیں ہوئے۔
