اسلام آباد ہائیکورٹ نے بانی پی ٹی آئی سے پارٹی رہنماؤں کی ملاقات نہ کرانے کے خلاف دائر درخواست قابل سماعت قرار دے دی۔
جسٹس راجہ انعام امین منہاس نے رجسٹرار آفس کودرخواست پر عائد اعتراضات دور کرنے کی ہدایت کی ہے۔عدالت نے رجسٹرار آفس کو درخواست کو ڈائری نمبر لگانے کی ہدایت بھی کر دی۔
بانی پی ٹی آئی کے وکیل فیصل چوہدری نے رجسٹرار آفس کے اعتراضات ختم کرنے کی استدعا کی تھی۔۔ عدالت نے گزشتہ روز دلائل سننے کے بعد درخواست قابل سماعت ہونے پر فیصلہ محفوظ کیا تھا۔
