وائٹ ہاؤس میں ناخوشگوار ملاقات کے بعد یوکرینی صدر لندن پہنچ گئے۔ ٹین ڈاؤننگ اسٹریٹ میں برطانوی وزیر اعظم کیئر اسٹارمر سے ملاقات کی۔
ٹین ڈاؤننگ اسٹریٹ میں برطانوی وزیر اعظم کیئر اسٹارمر نے صدر زیلنسکی کا استقبال کیا۔ دونوں رہنماؤں نے یوکرین جنگ اور دو طرفہ تعلقات پر تبادلہ خیال کیا۔
برطانیہ اور یوکرین کے درمیان دو ارب 84 کروڑ ڈالر قرض کا معاہدہ طے پاگیا، قرض کی ادائیگی روسی منجمد اثاثوں سے آنے والے منافع سے کی جائے گی۔
برطانوی میڈیا کے مطابق نیٹو کے سیکریٹری جنرل مارک روٹے نے یوکرینی صدر سے رابطہ کیا اور انہیں ٹرمپ سے تعلقات بہتر کرنے کا مشورہ دیا۔ لندن میں آج یورپی سمٹ شیڈول ہے جس میں یوکرینی صدر بھی شرکت کریں گے۔
