دنیا بھر کے مسلمان 2030ء میں ایک نہیں بلکہ دو مرتبہ رمضان المبارک کا استقبال کریں گے۔
فلکیاتی ماہرین کے مطابق ایسا ہر 33 سال بعد ہوتا ہے اور اس کی وجہ قمری سال کا شمسی سال سے 11 سے 12 دن کم ہونا ہے۔
دبئی سے منسلک فلکیات گروپ کے چیف ایگزیکٹو حسن احمد الہریری کے مطابق قمری مہینے ہر سال 10 سے 11 دن آگے بڑھتے ہیں، جس کے باعث 2030ء میں پہلا رمضان 4 جنوری کو اور دوسرا رمضان 26 دسمبر کو شروع ہونے کا امکان ہے، اس کا مطلب ہے کہ مسلمان ایک ہی عیسوی سال میں 36 روزے رکھیں گے۔
رپورٹ کے مطابق آخری بار 1997ء میں ایک عیسوی سال میں 2 مرتبہ رمضان المبارک آیا تھا اور 2030ء کے بعد یہ دوبارہ 2063ء سے پہلے ممکن نہیں ہوگا۔
