بھارتی پنڈت نے دعویٰ کیا ہے کہ بھارتی ٹیم اس بار پاکستان سے نہیں جیت سکتی۔
بھارت کی مشہور مذہبی شخصیت اور مہا کمبھ میلے کے بابا ابھے سنگھ ’آئی آئی ٹی بابا‘ نے پاک بھارت کرکٹ میچ کے حوالے سے بڑی پیشگوئی ٰ کر دیا۔
چیمپئنز ٹرافی 2025ء میں پاکستان اور بھارت کے درمیان 23 فروری کو دبئی میں بڑا مقابلہ ہونے جا رہا ہے، تاہم اس اہم میچ سے قبل بابا ابھے سنگھ نے پیشگوئی کی ہے کہ اس بار بھارت، پاکستان کو شکست نہیں دے سکتا۔
غیر ملکی میڈیا نے ایک وائرل ویڈیو کا حوالے سے رپورٹس دی ہیں، ویڈیو میں بابا کو یہ کہتے سنا جا سکتا ہے کہ ’’چاہے ویرات کوہلی سمیت تمام کھلاڑی اپنی پوری طاقت جھونک دیں، تب بھی پاکستان ہی جیتے گا۔ میں نے کہہ دیا ہے، بس کہہ دیا ہے‘‘۔
ان کے اس بیان نے بھارتی سوشل میڈیا پر ایک نئی بحث چھیڑ دی ہے، جہاں کچھ لوگ ان کے دعوے کو حقیقت مان رہے ہیں جبکہ دیگر اسے محض ایک قیاس آرائی قرار دے رہے ہیں۔
اب دیکھنا یہ ہے کہ کیا واقعی بابا کی پیشگوئی درست ثابت ہوتی ہے یا بھارتی ٹیم تاریخ رقم کرنے میں کامیاب ہوگی۔
واضح رہے کہ پاکستان نے چیمپئنز ٹرافی 2017ء کے فائنل میں بھارت کو 180 رنز کے بڑے مارجن سے شکست دے کر ٹائٹل اپنے نام کیا تھا۔
گرین شرٹس چیمپئنز ٹرافی کے افتتاحی میچ میں نیوزی لینڈ کے ہاتھوں 60 رنز سے شکست کھا گئی تھی، قومی ٹیم کو فخر زمان کی انجری کی صورت میں دوسرا بڑا جھٹکا لگا، ان کی جگہ اب ٹیم میں امام الحق کو شامل کیا گیا ہے۔
