اسلام آباد ہائیکورٹ نے پاکستان تحریک انصاف کے 120 سے زائد کارکنان کی ضمانت منظور کرتے ہوئے فوری رہائی کا حکم دیدیا۔
اسلام آباد ہائیکورٹ نے 26 نومبر احتجاج کے تناظر میں گرفتار 120 سے زائد پی ٹی آئی کارکنان کی ضمانت منظور کرلی، تمام کارکنوں کو فوری رہا کرنے کا حکم دے دیا گیا۔
اسلام آباد ہائیکورٹ کے قائم مقام چیف جسٹس سرفراز ڈوگر اور جسٹس محمد آصف نے پی ٹی آئی کارکنان کی ضمانت منظور کیں، عدالت نے ملزمان کو 20 ہزار روپے کے مچلکے اور ایک شیورٹی جمع کرانے کا حکم دیا ہے۔
عدالت نے 120 گرفتار پی ٹی آئی ورکرز کو پولیس اسٹیشن میں بیان حلفی دینے کا حکم بھی دیا ہے جبکہ ہدایت کی گئی ہے کہ بیان حلفی دیں کہ آئندہ ایسا جرم نہیں کریں گے۔
اسلام آباد ہائیکورٹ میں کیس کے دوران پی ٹی آئی کارکنان کے وکلاء علی بخاری، بابر اعوان، مرتضیٰ طوری و دیگر پیش ہوئے۔
