آذربائیجان کے ساتھ سرمایہ کاری کے شعبے میں تعاون بڑھانے کیلئے خصوصی سرمایہ کاری سہولت کونسل (ایس آئی ایف سی) نے اہم کردار ادا کیا ہے۔
پاکستان اور آذربائیجان کے درمیان 2 ارب ڈالر کی سرمایہ کاری کے معاہدوں پر بات چیت ہوئی، دونوں ممالک کے درمیان توانائی، انفراسٹرکچر اور نجکاری کے منصوبوں پر سرمایہ کاری کے معاہدے متوقع ہیں۔
پاکستان اور آذربائیجان کے درمیان وسطی ایشیائی ریاستوں تک تجارت اور مواصلاتی رابطوں کے فروغ پر بھی تبادلہ خیال کیا گیا۔ پاکستان کے نجکاری پروگرام میں آذربائیجان کی دلچسپی کے اظہار پر حکومت نے حمایت کا عہد کیا ہے۔
آذربائیجان پاکستان کے موٹروے اور دیگر انفراسٹرکچر منصوبوں میں سرمایہ کاری کا خواہاں ہے، دونوں ممالک کے درمیان عمومی توانائی، قابل تجدید توانائی اور توانائی کی بچت کے منصوبوں پر بات چیت جاری ہے۔
خصوصی سرمایہ کاری سہولت کونسل (ایس آئی ایف سی) کے تعاون سے دونوں ممالک کے درمیان اقتصادی تعلقات میں اضافہ خوش آئند قرار دیا جا رہا ہے۔
