لوکل گورنمنٹ کے حوالے سےپنجاب حکومت کا نیا فارمولا سامنے آگیا۔
پنجاب میں دیہات میں بنی ہاؤسنگ اسکیمیں بھی ٹیکس نیٹ میں شامل ہوں گی۔ٹیکس "شہری غیرمنقولہ جائیداد ٹیکس ایکٹ 1958" کے تحت لگایاجائے گا۔
بل کا بنیادی مقصد پنجاب فنانس ایکٹ 2024 کے ساتھ ہم آہنگی پیدا کرنا ہے، ٹیکس کے اطلاق کا دائرہ کار شہری علاقوں میں بھی وسیع کیا جائےگا۔
مزید پڑھیں
پلاٹس اور کمرشل پراپرٹی کی منتقلی پر ٹیکس ختم کیے جانے کا امکان
شہری علاقوں کی حدود میں تمام غیرمنقولہ جائیدادیں ٹیکس نیٹ کا حصہ ہوں گی، جائیداد کی مالیت اور دیگر معیارات کے مطابق ٹیکس کی تشخیص کی جائے گی۔ بل پنجاب اسمبلی میں متعلقہ کمیٹی کے حوالے کردیا گیا،2ماہ میں رپورٹ دے گی۔
ٹیکس وصولی پنجاب حکومت کا مقرر کردہ ادارہ کرے گا، ٹیکس سے اکٹھے ہونے والے پیسے لوکل گورنمنٹ کو منتقل کیے جائیں گے۔ لوکل گورنمنٹ اپنے علاقوں کی ترقی اور بہتری کےلیے ٹیکس استعمال کر سکے گی۔
