پاک بحریہ نے بحیرہ عرب میں کامیاب ریسکیو آپریشن کرتے ہوئے کشتی میں تکنیکی خراب کے باعث پھنس جانے والے 8 ماہی گیروں کو بچالیا۔
جیوانی کے قریب ماہی گیروں کی کشتی کو انجن میں خرابی کے باعث حادثہ پیش آیا جس پر ماہی گیروں نے امداد کے لیے ریڈیو کالز دیں اور پاک بحریہ کے میری ٹائم ہیڈ کواٹرز سے ریسکیو آپریشن کی درخواست کی گئی۔
سیکنگ ہیلی کاپٹر نے حادثے کے مقام پر پہنچ کر تمام ماہی گیروں کو ریسکیو کیا گیا۔
ریسکیو کیے گئے ماہی گیر مقامی بلوچ تھے جنہیں طبی امداد کے لیے گوادر منتقل کردیا گیا۔
ریسکیو کیے گئے ماہی گیروں نے بروقت آپریشن پر پاک بحریہ کا شکریہ ادا کیا ہے۔
