شراب اور اسلحہ برآمدگی کیس میں مسلسل غیرحاضری پر ڈسٹرکٹ اینڈ سیشن کورٹس اسلام آباد نے علی امین گنڈاپور کے ناقابل ضمانت وارنٹ گرفتاری برقرار رکھے۔
کیس کی سماعت سینئرسول جج مبشرحسن چشتی نے کی ۔ پولیس نے آج بھی وارنٹ گرفتاری کی تعمیلی رپورٹ پیش نہیں کی ۔ علی امین گنڈاپور کے وکیل راجہ ظہور الحسن عدالت نے کہا ملزم شریف بندہ ہے عدالت میں پیش ہو جائے گا۔
سینئر سول جج نے کہا ملزم اگر شریف ہے تو اشتہاری قرار دیتے ہیں ۔ وکیل نے پنجاب بار کونسل الیکشن کے باعث لمبی تاریخ مانگی تو جج نے کہا پھر تو آپ چاہیں گے کہ دسمبر کے بعد کی تاریخ ڈال دیں ۔
عدالت نے وزیراعلیٰ خیبرپختونخوا کے ناقابل ضمانت وارنٹ گرفتاری برقرار رکھتے ہوئے کیس کی سماعت 25 فروری تک ملتوی کر دی۔
