کراچی سپرہائی وے پر حیدرآباد سے کراچی آتے ہوئے 3 ٹریلر آپس میں ٹکرا گئے۔ حادثے میں ایک شخص جاں بحق اورتین شدید زخمی ہوگئے۔
ریسکیو کے مطابق حادثہ تیز رفتاری کے باعث پیش آیا۔ زخمیوں کو طبی امداد کے لیے قریبی اسپتال منتقل کردیا گیا، جاں بحق شخص کی شناخت چالیس سال کے لیاقت کے نام سے ہوئی ہے۔
سیہون شریف کے قریب مانجھند انڈس ہائی وے پر کوچ اور کار کے درمیاں تصادم سے 3 افراد جاں بحق اور 4 افراد زخمی ہوگئے۔
پولیس کے مطابق جاں بحق افراد میں شوکت جتوئی، عیدن جتوئی اور ایک نامعلوم شامل ہے، جبکہ زخمیوں میں منور اور علی دوست جتوئی سمیت چار افراد شامل ہیں، جاںبحق افراد کی لاشیں اور زخمیوں کو مانجھند اسپتال منتقل کیا گیا۔
حادثہ تیز رفتاری کے دوران اوور ٹیک کرتے ہوئے پیش آیا۔ کار حیدرآباد سے سیہون اور کوچ پشاور سے کراچی کی طرف جارہی تھی تو حادثے کا شکار بن گئے۔
