وزیراعظم شہباز شریف کی خصوصی ہدایت پر پرائم منسٹر یوتھ کونسل تشکیل دیدیا گیا۔
پرائم منسٹر یوتھ کونسل کےلیے پاکستان سے 100 جبکہ دنیا بھر سے 13 پاکستانی نوجوان یوتھ کونسل کیلئے منتخب ہوگئے۔ یوتھ کونسل پاکستان کی پہلی نیشنل یوتھ پالیسی تشکیل دے گی۔
پرائم منسٹر یوتھ کونسل کے ارکان پالیسی سازی میں وزیراعظم کے مشیر کے طور پر کام کریں گے۔ نوجوان گرین اکانومی سمیت جدید چیلنجز پر پالیسی سازی میں مدد فراہم کریں گے۔اٹھائیس جنوری کو یوتھ کونسل کی تقریب حلف برداری ہوگی جہاں وزیراعظم نوجوانوں سے حلف لیں گے۔
تقریب میں کلائمیٹ چیمپئنز اور یوتھ ایکسیلنس ایوارڈز بھی دیئے جائیں گے۔یوتھ کونسل کے ارکان مختلف علمی و عملی سرگرمیوں میں حصہ لیں گے۔
