کرکٹ آسٹریلیا نے سری لنکا کے خلاف ٹیسٹ سیریز کے لئے 16 رکنی آسٹریلوی اسکواڈ کا اعلان کردیا ۔
آسٹریلوی ٹیم 2 ٹیسٹ اور دو ایک روزہ میچز کے لئے سری لنکا کا دورہ کرے گی جبکہ دونوں ٹیموں کے درمیان 29 جنوری سے پہلا ٹیسٹ شروع ہوگا اور 6 فروری سے دوسرا ٹیسٹ میچ کھیلا جائے گا۔
دونوں ٹیموں کے درمیان ون ڈے سیریز کا آغاز 12 فروری سے ہوگا اور آخری ون ڈے 14 فروری کو کھیلا جائے گا۔
کرکٹ آسٹریلیا کی جانب سے ٹیسٹ سیریز کے لئے 16 رکنی اسکواڈ کا اعلان کر دیا گیا ہے جس کی قیادت اسٹیو اسمتھ کے سپرد کی گئی ہے۔
View this post on Instagram
یاد رہے کہ اسٹیو اسمتھ کا دائیں کہنی کی انجری کا میڈیکل چیک اپ مکمل ہونے کے بعد انہیں دورہ سری لنکا کیلئے ٹیسٹ اسکواڈ جوائن کرنے کی اجازت دیدی گئی تھی۔
آسٹریلوی اسکواڈ
کپتان اسٹیو اسمتھ، شین ایبٹ، سکاٹ بولینڈ، ایلکس کیری، کوپر کونوولی، بیو ویبسٹر، ٹریوس ہیڈ، جوش انگلس، عثمان خواجہ، سیم کونسٹاس، میتھیو کیونیمین، مارنس لبوشین، نیتھ لیون، نیتھن میکسوینی، ٹاڈ مرفی اور مچل سٹارک۔
