عوام حلقوں کا کہنا ہے کہ بانی پی ٹی آئی کیخلاف القادر ٹرسٹ کیس کا فیصلہ آئین اور قانون کے مطابق ہے، امیر ہو یا غریب قانون سب کے لیے برابر ہے۔
ایک سو نوے ملین پاؤنڈ کیس میں عدالتی فیصلے پر عوام کا ردِ عمل سامنے آگیا، عوام کا کہنا ہے کہ القادر ٹرسٹ کے حوالے سے آنے والا فیصلہ خوش آئند ہے، انصاف کی زنجیر جب ہلتی ہے تو بڑوں بڑوں کو جکڑ لیتی ہے۔ منی لانڈرنگ کے پیسے کو ریاست کی بجائے منی لانڈرر کے حوالے کر دیا گیا۔ بانی تحریکِ انصاف نے ریاست کی بجائے پرائیویٹ سیٹلمنٹ اور اپنے مفادات کو ترجیح دی۔
خیال رہے کہ 17 جنوری کو احتساب عدالت نے 190 ملین پاؤنڈ ریفرنس کا فیصلہ سنایا تھا، جس میں بانی پی ٹی آئی کو 14 سال اور بشریٰ بی بی کو کی سزا 7سال قید کی سنا دی گئی۔ احتساب عدالت نے القادر یونیورسٹی کو بھی سرکاری تحویل میں لینے کا حکم دے دیا۔
