پاکستان اسٹاک مارکیٹ میں ہفتے کے پہلے ہی روز کاروبار میں تیزی کا رجحان نظر آرہا ہے، کے ایس ای 100 انڈیکس میں کاروبار کے دوران ایک لاکھ 16 ہزار پوائنٹس کی حد بحال ہوگئی۔
رپورٹ کے مطابق پاکستان اسٹاک مارکیٹ میں پیر کو کاروبار کے آغاز سے ہی تیزی کا رجحان ہے اور کے ایس ای 100 انڈیکس 939 پوائنٹس اضافے سے ایک لاکھ 16 ہزار 200 پوائنٹس کی سطح پر پہنچ گیا۔
رپورٹ کے مطابق اسٹاک مارکیٹ میں آٹو، فارماسیوٹیکل، ٹیکنالوجی اور سیمنٹ کمپنیز کے شیئرز میں خریداری میں تیزی دیکھی گئی۔
واضح رہے کہ گزشتہ ہفتے کے دوران بھی پاکستان اسٹاک مارکیٹ میں 2025 پوائنٹس کی تیزی ریکارڈ کی گئی تھی، جس کے بعد انڈیکس میں ایک لاکھ 14 اور ایک لاکھ 15 ہزار کی نفسیاتی حدیں بحال ہوگئی تھیں۔
