مکسڈ مارشل آرٹس کے پاکستان میں بانی اشرف طائی دل کےعارضے میں مبتلا ہوگئے، انہیں کراچی کے قومی مرکز برائے امراض قلب (این آئی سی وی ڈی) میں داخل کرلیا گیا۔
معروف مکسڈ مارشل آرٹس کھلاڑی اشرف طائی کو دل میں تکلیف کے باعث این آئی سی وی ڈی کراچی میں داخل کرادیا گیا۔
اشرف طائی کی اہلیہ نے وفاقی اور صوبائی حکومت سے مدد کی اپیل کردی۔ ان کا کہنا ہے کہ اشرف طائی کو شوگر ہے اور گردے کا مسئلہ بھی ہے۔
انہوں نے کہا کہ کسی حکومتی شخصیت نے ہم سے رابطہ نہیں کیا، اپنی مدد آپ کے تحت علاج کروا رہے ہیں۔
