کراچی کے علاقے اتحاد ٹاون میں رینجرز اور پولیس کی مشترکہ کارروائی میں فتنہ الخوارج سے تعلق رکھنے والا انتہائی مطلوب ملزم اللہ خان عرف عبداللہ محسود کو گرفتار کرلیا گیا۔ ملزم سے اسلحہ اور گولابارود برآمد کرلیا گیا۔
ترجمان رینجرز کے مطابق ملزم کاتعلق فتنہ الخوارج مفتی نورولی عرف ابوعاصم گروپ سے ہے۔ ملزم کمانڈرمحمد امیر محسود کے کہنے پر کرم ایجنسی میں مذہبی فسادات میں شامل رہا۔
ملزم وزیرستان میں دہشتگردوں کے خلاف آپریشن شروع ہونے کے بعد ملزم اپنی فیملی کے ہمراہ کراچی ہزارہ کالونی بلدیہ ٹاؤن میں منتقل ہوگیا۔ ملزم کراچی سے متعدد بار وزیرستان گیا اورفتنہ الخوارج کے ساتھ مل کر سہولت کاری کا کام کرتا رہا ہے۔
ملزم کا قریبی رشتہ دار کمانڈرعبداللہ شاہ فتنہ الخوارج کا انتہائی مطلوب دہشتگردہے اور افغانستان سے پاکستان کے اندرعسکری کارروائیاں کرنے کےلیے انتہائی متحرک رہا۔
