ورلڈ کپ کی دفاعی چیمپئن انگلینڈ کرکٹ ٹیم کو دھچکا لگ گیا، فاسٹ بولر ریس ٹوپلی میگا ایونٹ سے باہر ہوگئے۔
آئی سی سی کرکٹ ورلڈ کپ کی دفاعی چیمپئن انگلینڈ کو بڑا دھچکا لگ گیا، فاسٹ بولر ریس ٹوپلی انجری کے سبب میگا ایونٹ سے باہر ہوگئے۔
انگلینڈ کرکٹ بورڈ نے ریس ٹوپلی کے ورلڈ کپ سے باہر ہونے کی تصدیق کر دی۔ جنوبی افریقا کیخلاف میچ میں ٹوپلی کی انگلی زخمی ہوئی تھی۔
انگلش بورڈ کا کہنا ہے کہ ریس ٹوپلی کے متبادل کھلاڑی کا اعلان جلد کیا جائے گا، انگلی کے اسکین کے بعد فاسٹ بولر کو وطن واپس بھیجنے کا فیصلہ کیا گیا۔
واضح رہے کہ انگلینڈ اب تک ایونٹ میں 4 میچز کھیل چکا ہے جس میں اسے صرف ایک میچ میں فتح نصیب ہوئی ہے، دفاعی چیمپئن افغانستان سے بھی میچ ہار گیا تھا۔ انگلینڈ ورلڈ کپ پوائنٹس ٹیبل پر 9ویں پوزیشن پر ہے۔
