پی سی بی نے 2024 کے لیے ہال آف فیم میں شامل کرکٹرز کا اعلان کردیا۔
سابق کپتان مشتاق محمد ،انضمام الحق، سعید انور اور مصباح الحق ہال آف فیم میں شامل ہیں،چاروں کرکٹرز پاکستان کے لیے نمایاں کارنامے سر انجام دے چکے ہیں۔
چیئرمین پی سی بی محسن نقوی نے اپنےبیان میں کہا کہ کرکٹرزہمارے سفیر ہیں،پی سی بی انہیں یہ اعزاز دینے میں فخر محسوس کرتا ہے،یہ چاروں کھلاڑی پاکستان کی کرکٹ کی تاریخ میں ایک خاص مقام رکھتے ہیں،مجھے امید ہے کہ ہمارے کرکٹرز ان عظیم کھلاڑیوں کے نقش قدم پر چلیں گے۔
