عالمی اور مقامی مارکیٹ میں سونے کی قیمت میں اضافہ عارضی ثابت ہوا، فی تولہ نرخ 800 روپے اور فی اونس 8 ڈالر سستا ہوگیا۔
آل پاکستان صراف ایسوسی ایشن کے مطابق عالمی و مقامی گولڈ مارکیٹس میں ایک دن اضافے کے بعد سونے کی قیمت میں پھر کمی ہوگئی۔
جاری اعداد و شمار کے مطابق 24 قیراط فی تولہ سونا 800 روپے کی کمی سے 2 لاک 73 ہزار 200 روپے پر آگیا جبکہ 10 گرام سونے کی قیمت 686 روپے کم ہوکر 2 لاکھ 34 ہزار 225 روپے ہوگئی۔
ایسوسی ایشن کے مطابق عالمی مارکیٹ میں فی اونس سونا 8 ڈالر سستا ہوکر 2 ہزار 620 ڈالر کا ہوگیا۔
گزشتہ روز (جمعرات کو) فی تولہ سونا 1400 اور دس گرام 1200 روپے مہنگا ہوا تھا جبکہ عالمی مارکیٹ میں فی اونس سونا 14 ڈالر مہنگا ہوگیا تھا۔
