وفاقی وزیر نجکاری، سرمایہ کاری بورڈ اور مواصلات عبدالعلیم خان کا کہنا ہے کہ قومی ایئرلائن کی نجکاری اب زیادہ آسان اور پرکشش بنا دی گئی ہے۔
وفاقی وزیرعبدالعلیم خان کی صدارت میں پرائیویٹائزیشن کمیشن بورڈ کے اجلاس میں پی آئی اے کی نجکاری کے لئے گذشتہ کارروائی کی روشنی میں بہتر اور مختلف حکمت عملی اور نئی سفارشات پر غور کیا گیا ۔ عبدالعلیم خاننے کہا قومی ایئرلائن کی نجکاری اب زیادہ آسان اور پرکشش بنا دی گئی ہے ۔
اجلاس میں دیگر اداروں کی پرائیویٹائزیشن کے امور پر بھی اہم سفارشات پیش کی گئی ۔ وفاقی وزیر نے نجکاری کے تمام منصوبوں پر شفافیت کےساتھ کام کو مزید تیز کرنے کی ہدایت کر دی۔ بورڈ اجلاس میں پرائیویٹائزیشن کیلئے فنانشل ایڈوائزرز کی تقرری سمیت اہم تکنیکی امور پر ہونیوالی پیش رفت پر غور کیا گیا۔
وفاقی وزیر عبدالعلیم خان کا کہنا تھا اداروں کی نجکاری قوانین و ضوابط کے مطابق ہونی ہے ۔ جس کا مقصد ملکی خزانے پر مستقل پڑنے والے بوجھ سے نجات دلانا ہے ۔ ڈسکوز کی نجکاری کے لئے وزارت توانائی سے ایک ہفتے میں امور کو حتمی شکل دے دی جائے ۔ شرکا نے گذشتہ بورڈ اجلاس کی کارروائی کی منظوری بھی دے دی۔
