شہدائے پاکستان کو سلام،وطن سے محبت میں جان نچھاور کرنا پاک فوج کے سپاہیوں کی پہچان ہے
جان قربان کرنے والے عظیم سپوتوں کی قربانیوں نے پاکستان کی بنیادوں کو مضبوط کیا،دفاع وطن میں جان قربان کرنے والی داستانوں میں سے ایک سپاہی عاطف نذیر شہید کی ہے۔
سپاہی عاطف نذیرشہید نے 18 جنوری 2019 کو شمالی وزیرستان میں آپریشن المیزان کے دوران دہشتگردوں کے خلاف بہادری سے لڑتے ہوئے جام شہادت نوش کیا،سپاہی عاطف نذیر کا تعلق آزاد کشمیر سے ہے۔سپاہی عاطف نذیر شہید نے سوگواران میں والدہ اور بھائی چھوڑے۔
سپاہی عاطف نذیر کے لواحقین نے اپنے احساسات و جذبات کا اظہار کرتےہوئے کہا"بیٹا بہت دلیر تھا، اس کی خواہش تھی کہ وہ شہید ہو،مجھےخبرملی کہ عاطف بہت زخمی ہے اوربنوں ہسپتال میں ہے، بیٹےکی شہادت کا سن کے مجھے بہت رونا آیا مگر اللہ کا شکر ادا کیا،
بیٹا بہت فرمانبردارتھا،گھر کےکام میں بھی ہاتھ بٹاتا تھا،بہت خوش قسمت ہوں کہ بیٹا راہِ حق میں ملک و قوم کے لیےشہید ہوا،بھائی کو شہید ہونے کا شوق تھا، آخری بار بھی کال پر شہید ہونے کی دعا کا بولا۔
سپاہی عاطف نذیر شہید کے چچا نےکہاپاک فوج کے جوانوں کے لیے پیغام ہے کہ دشمن کا قلع قمع کریں جو ملک کومیلی نظر سے دیکھتے ہیں،بیٹے نے شہید ہو کر پورے خاندان کا سر فخر سے بلندکردیا،اس کی جدائی کا بہت افسوس ہے مگر اس نے ملک اور قوم کے لیے شہادت نوش کی،ہماری دعا ہے کہ اللہ اس کو جنت الفردوس میں اعلی مقام عطا کرے
ہمیں ہمارے شہداء پر بہت فخر ہے جو ملک و قوم کے لیے اپنی جان قربان کرتے ہیں،سپاہی عاطف نذیر کی شجاعت اور بہادری تاریخ کا ایک روشن باب ہے
پاک فوج کے اس بہادر سپوت نے اپنی جان کا نذرانہ پیش کر کے وطن کی سالمیت کو برقرار رکھا ان کی قربانی ہم سب کے لیے باعثِ فخر ہے۔
