پاکستان میں سونے کی قیمت میں ایک بار پھر بڑا اضافہ ہو گیا ہے۔
جیولرز کے مطابق سونے کی فی تولہ قیمت 2 ہزار 300 روپے اضافے کے بعد 2 لاکھ 82 ہزار 800 روپے ہو گئی ہے۔
صرافہ مارکیٹ میں 10 گرام سونے کی قیمت میں ایک ہزار 971 روپے اضافہ ہوا جس کے بعد دس گرام سونے کی قیمت 2 لاکھ 42 ہزار 455 روپے ہو گئی ہے۔
عالمی مارکیٹ میں بھی سونے کی قیمت میں اضافے کا رجحان رہا اور سونا 23 ڈالر اضافے سے 2716 ڈالر فی اونس ہو گیا ہے۔
دوسری جانب چاندی کی فی تولہ قیمت 3450 روپے کی سطح پر مستحکم ہے۔
