پنجاب میں انسداد پولیو مہم کا آغاز سولہ دسمبر سے ہوگا لاہور،راولپنڈی،فیصل آباد میں انسداد پولیو مہم بائیس دسمبر تک جاری رہےگی۔
انسداد پولیومہم کےسلسلے میں انتظامات کا جائزہ لینے کیلئے وزیر صحت سلمان رفیق کی زیر صدارت اجلاس ہوا۔ پنجاب انسداد پولیو پروگرام کے مطابق 2کروڑ 33 لاکھ بچوں کو ویکسیئن کے قطرے پلانےکا ہدف مقررکیا گیا ہے ۔
اس موقع پر خواجہ سلمان رفیق کاکہنا تھاکہ پولیو کا خاتمہ قومی ایجنڈا ہےتمام صوبوں کو ملکر کام کرنا ہوگا پولیو وائرس کے مکمل خاتمےکیلئےصوبوں کے مابین تعاون بڑھانے کی اشد ضرورت ہے ۔
وزیر صحت خواجہ سلمان رفیق کا کہنا تھا کہ ماحولیاتی نمونوں میں پولیو وائرس کی موجودگی خطرے کی علامت ہے قطرے پلانے کیلئے پچاسی ہزار موبائل ٹیمیں تشکیل دی گئی ہیں سو فیصد کوریج یقینی بنانے کیلئے مائیکرو پلانز بہتر بنانے پر خصوصی توجہ دی جائے گی ۔
