وزیراعظم نے پائیدارمعاشی ترقی کیلئے نئے 5 سالہ منصوبے ’اڑان پاکستان‘ کی منظوری دے دی۔
تفصیلات کے مطابق اگلے 5 سال میں شرح نمو نو اعشاریہ 8 فیصد تک لے جانے کا ہدف مقرر کیا گیا ہے۔ شرح خواندگی 70 فیصد تک بڑھانے اور غربت میں13 فیصد تک کمی لانا بھی منصوبے میں شامل ہے ۔
سال 2035 تک پاکستانی معیشت کا حجم 1 ٹریلین ڈالرز تک لے جانے کا ہدف مقرر کیا گیا ہے، نئے پلان کا مقصد پاکستان کو پائیدار بلند معاشی ترقی کی راہ پر گامزن کرنا ہے۔
وزیراعظم شہبازشریف نیشنل اکنامک ٹرانسفارمیشن پلان 2024 تا 29 جمعہ کو خصوصی تقریب میں جاری کریں گے۔ نیا پلان برآمدات سمیت فائیو ایز فریم ورک پر مبنی ہوگا ۔ ریلوے کے ایم ایل ون منصوبے کی تکمیل سمیت مجوزہ پلان میں ماحولیات کو بھی ترجیح دی جائے گی۔
معاشی پلان کے حوالے سے ذرائع نے مزید بتایا کہ انفرااسٹرکچر، ایکوئٹی، ایتھکس، لوگوں کو بااختیار بنانا ترجیحات میں شامل ہیں۔
