ملک کے معروف معاشی ماہرین اور کاروباری شخصیات نے سول نافرمانی کی تحریک کی کوشش کرنا ملک کے ساتھ غداری قرار دیدیا۔
ڈائریکٹر پاکستان اسٹاک ایکس چینج احمد چنائے کا کہنا ہے کہ کچھ سیاسی عناصر کی جانب سے سول نافرمانی کی تحریک کی کوشش کرنا ملک کے ساتھ غداری ہے کیونکہ اس وقت اکانومی مستحکم ہورہی یے اور ملک بہتری کی جانب گامزن ہے۔
صدر آل سٹی تاجر اتحاد حماد پونے والا کا کہنا ہے کہ ہمارے ملک میں ایک پروپیگنڈا چلایا جایا رہا ہے اور سول نافرمانی کی تحریک چلائی جا رہی ہے۔ چیئرمین راول انسٹیٹیوٹ آف ہیلتھ سائنسز خاقان خواجہ نے کہا کہ میں پاکستانی بھائیوں سے اپیل کرتا ہوں کہ پی ٹی آئی کی سول نافرمانی کی کمپین کی مخالفت کریں کیوں کہ یہ پاکستان کے حق میں ٹھیک نہیں ہے۔
حماد پونیوالا نے کہا کہ مجھے ایسا لگتا ہے کہ جان بوجھ کر ایسا کیا جا رہا ہے تا کہ ملکی معیشت کو نقصان ہو، کراچی کی تاجر تنظیم مکمل طور پر اسکا بائیکاٹ کرتی ہے اور کسی طور پر بھی ہم اسکو کامیاب نہیں ہونے دیںگے۔
اکانومسٹ چوہدری اکمل نے کہا کہ سول نافرمانی جیسی غیر سنجیدہ کمپین نے ملک میں انارکی جیسا محول پیدا کر دیا ہے، اس سے بہت سے نقصانات کا خدشہ ہے جیسے ٹیکسز کی وصولی میں کمی، جی ڈی پی گروتھ میں کمی اور انفلیشن ریٹ کا بڑھنا وغیرہ شامل ہے۔
چوہدری اکمل نے مزید کہا کہ سول نافرمانی کی صورت میں، مہنگائی جو کے بہت مشکل سے نیچے آئی ہے ایک مرتبہ پھر بڑھنا شروع ہو جائے گی،ترسیلات زر کم ہونگی تو زرِ مبادلہ کے ذخائر پر بوجھ پڑیگا۔
صدرآل پاکستان انجمنِ تاجران جاوید ارسلا خان کا کہنا ہے کہ وہ دن تھے جب ملک ڈیفالٹ کرنے جا رہا ہے ، الحمدُ للہ موجودہ پالیسیوں اور وقت نے ثابت کیا ہے ، کہ ملکی معیشت بہتری کی طرف گامزن ہے۔ سول نافرمانی سے بہت نقصان ہوگا اور معیشت تباہ ہوگی۔
چیئرمین روات انڈسٹریل بورڈ چوہدری ندیم کا کہنا ہے کہ پاکستان کی اکانومی جب ترقی کی راہ پر مستحکم ہو رہی ہے اور سٹاک ایکس چینج ایک لاکھ پلس ہو چکے ہے ایسے وقت میں دھرنے کی سیاست ویلکم نہیں ہو گی۔
چئیرمن ایف سی سی آئی ایڈوائزری بورڈ میاں زاہد حسین کا کہنا تھا کہ سٹاک ایکسچینج پوائنٹس بڑھنے کے ساتھ ساتھ شرح سود میں بھی بتدریج کمی واقع ہوتی نظر آرہی ہے اور ایکسپورٹس بھی مسلسل بڑھ رہی ہیں، قوم کو متحد ہو کر ایسے مذموم ایجنڈے کا نا صرف بائیکاٹ کرنا ہے بلکہ ہمیشہ کیلئے اسے مسترد کرنا ہے۔
