پاک فوج کی جانب سے موسمِ سرما کی تربیتی مشقوں کے دوران گورنمنٹ بوائز ہائی اسکول نارووال کے طلباء اور اساتذہ کے لیے ایک دن پاک فوج کے ساتھ گزارنے کا اہتمام کیا گیا۔
نارووال میں گورنمنٹ بوائز ہائی اسکول کے طلباء اور اساتذہ نے پاک فوج کے موسمِ سرما کی تربیتی مشقوں کا دورہ کیا جہاں انہیں جنگی ساز و سامان، الضرار ٹینک، آرٹلری میڈیم گن، آرمرڈ پرسنل کیریئر اور ٹینک ٹرانسپورٹر دیکھنے کا موقع ملا۔
طلباء اور اساتذہ نے پاک فوج کے پیشہ ورانہ معیار، آپریشنل تیاریوں اور جنگی اسلحے میں گہری دلچسپی ظاہر کی۔ انہوں نے پاک فوج کی قربانیوں کو خراجِ تحسین پیش کرتے ہوئے اس یادگار دن کے اہتمام پر شکریہ ادا کیا۔
