پاکستانی حکام کو ہدف بنانے والی اینڈرائیڈ ایپس کا انکشاف ہوا ہے۔ نیشنل کمپیوٹر ایمرجنسی رسپانس ٹیم نےایڈوائزری جاری کردی۔
ایڈوائزری کے مطابق مشتبہ ایپس صارفین کی رضامندی سے ان کے ذاتی اور مالی ڈیٹا تک رسائی حاصل کرتی ہیں جس میں میڈیا فائلز، رابطوں کی فہرست، کال لاگز اور پیغامات شامل ہیں۔
نیشنل سرٹ نے صارفین کو خبردار کیا ہے کہ وہ صرف مستند ذرائع سے ایپس انسٹال کریں اور ایپ کی اجازتوں کا باقاعدگی سے جائزہ لیں۔
صارفین کو ہدایت کی گئی ہے کہ وہ معتبر اینٹی وائرس اور اینٹی مالویئر سافٹ ویئر انسٹال کریں۔ غیر ضروری لوکیشن سروسز کو بند رکھیں اور حساس ماحول میں اسمارٹ فونز کے استعمال سے گریز کریں۔
