چائلڈ پروٹیکشن بیورو ملتان کے بچوں اور اساتذہ نے ملتان گیریژن کا دورہ کیا، اساتذہ اور بچوں نے پاک فوج کے ساتھ یادگار دن گزارا۔
چائلڈ پروٹیکشن اینڈ ویلفیئر بیورو بےسہارا بچوں کی دیکھ بھال، تعلیم اور تحفظ کے لیے حکومت پنجاب کا اہم اقدام ہے،چائلڈ پروٹیکشن اینڈ ویلفیئر بیورو ملتان 2004 میں قائم ہوا۔۔
چائلڈ پروٹیکشن اینڈ ویلفیئر بیورو نےاپنی خدمات کو وسیع تر پیمانے پر پھیلاتے ہوئے فیصل آباد، گجرانوالہ، ساہیوال، ملتان، راولپنڈی،سیالکوٹ، بہاولپور اور رحیم یارخان میں بھی ادارے قائم کیے ہیں۔
پاک فوج کےساتھ دن گزارنے سے بچوں کو ملک کی خدمت اور عسکری مہارت سے آگاہی ہوئی،ملتان گیریژن میں بچوں کو چھوٹے ہتھیاروں اور فوجی آلات سے متعارف کرایا گیا۔
پاکستان آرمی کا یہ اقدام بچوں کے لیے ایک یادگار تجربہ ثابت ہوا،پاک فوج کی قربانیوں اور عزم کو سراہتے ہوئے، بچوں نے وطن کی خدمت کا عہد کیا۔
