ایف سی بلوچستان ( ساؤتھ ) کے زیر اہتمام یوم اقبال کی مناسبت سے رنگا رنگ تقریبات کا انعقاد کیا گیا۔
یوم اقبال کے سلسلے میں اختتامی تقریب ایف سی ہیڈکوارٹر (ساؤتھ) میں منعقد ہوئی جس میں اوورسیز پاکستانی فاؤنڈیشن اسکول تربت، گورنمنٹ عطاشاد ڈگری کالج، اور گورنمنٹ گرلز ڈگری کالج تربت کے طلباء و طالبات نے شرکت کی۔
تقریب کے دوران طلباء و طالبات کے مابین شاعر مشرق اور مفکر پاکستان علامہ اقبالؒ کی قومی خدمات اور ان کی شاعری کے موضوع پر تقریری مقابلے کا انعقاد کیا گیا۔
انگریزی زبان کی تقریری مقابلے میں پہلی پوزیشن عطاشاد ڈگری کالج تربت کے طالب علم شہزاد نے حاصل کی۔
اردو زبان کے مقابلے میں پہلی پوزیشن گورنمنٹ گرلز ڈگری کالج تربت کی طالبہ شاہدہ نے اپنے نام کی۔
مقابلے کے اختتام پر مہمان خصوصی نے طلباء وطالبات میں انعامات تقسیم کیے۔
