رپبلکن کے امیدوار ڈونلڈ ٹرمپ نے صدارتی الیکشن میں میدان مارلیا ہے اور 47 ویں صدر منتخب ہو گئے ہیں جس پر انہیں دنیا بھر سے مبارک باد کے پیغامات موصول ہو رہے ہیں اور اسی سلسلے نے سعودی عرب نے بھی اپنی نیک خواہشات کا اظہار کر دیاہے ۔
تفصیلات کے مطابق سعودی فرمانروا شاہ سلمان اور ولی عہد محمد بن سلمان نے ٹرمپ کو صدر منتخب ہونے پر مبارکباد دیتے ہوئے پیغام جاری کر دیاہے ۔ سعودی وزارت خارجہ سے جاری بیان کے مطابق شاہ سلمان نے دونوں ملکوں کے مضبوط دو طرفہ تعلقات کو سراہا۔ سعودی ولی عہد محمد بن سلمان نے ٹرمپ کی دوسری مدت صدارت کے لیے نیک خواہشات کا اظہار کیا۔
