پاکستان میں سونے کی قیمت میں ایک بار پھر بڑااضافہ دیکھنے میں آیا ہے۔ 24 قیراط سونے کی قیمت میں ایک ہزار کے اضافے کے بعد قیمت2لاکھ 3 ہزار تک پہنچ گئی ہے۔
ایسوسی ایشن کے مطابق مقامی بلین مارکیٹ میں 10گرام سونے کے بھاؤ ایک لاکھ 74 ہزار 40 روپے ہوگئے ہیں۔
جبکہ 22 قیراط سونے کے 10 گرام کی قیمت بلین مارکیٹ میں ایک لاکھ انسٹھ ہزار پانچ سو چھتیس روپے ہے،جبکہ 22 قیراط میں فی تولہ کی قیمت ایک لاکھ چھیاسی ہزار تراسی روپے ہے۔
یاد رہے کہ گزشتہ روز سونے کی قیمت میں 4 ہزار 9 سو کا اضافہ ہوا تھا جس کے بعد سونے کی قیمت 2 لاکھ 2 ہزار روپے ہوگئی تھی۔
