وفاقی حکومت کی جانب سے پٹرولیم مصنوعات کی نئی قیمتوں کا اعلان کر دیا گیا ہے۔
حکومت نے آئندہ 15 روز کیلئے پٹرول کی قیمت میں ایک روپے 35 پیسے اور ہائی اسپیڈ ڈیزل کی قیمت میں 3 روپے 85 پیسے کا اضافہ کردیا ہے جبکہ قیمتوں میں ردوبدل کا نوٹیفکیشن بھی جاری کردیا گیا ہے۔
لازمی پڑھیں۔ ایل پی جی کی قیمت میں اضافہ
وزارت خزانہ کی جانب سے جاری کردہ نوٹیفکیشن کے مطابق پٹرول کی نئی قیمت 248 روپے 38 پیسے جبکہ ہائی اسپیڈ ڈیزل کی نئی قیمت 255 روپے 14 پیسے مقرر کی گئی ہے۔
نوٹیفکیشن کے مطابق لائٹ ڈیزل کی قیمت میں 2 روپے 61 پیسے کی کمی کی گئی جس کے بعد نئی قیمت 147 روپے 51 پیسے ہوگئی ہے۔
مٹی کے تیل کی قیمت میں 1 روپے 48 پیسے کمی ہوئی اور نئی قیمت میں 161 روپے 54 پیسے مقرر کی گئی ہے۔
پٹرولیم مصنوعات کی نئی قیمتوں کا اطلاق آج رات 12 بجے سے ہوگا۔
