پاکستان ائیر فورس کی فضائی مشق انڈس شیلڈ 2024 جاری ہیں۔
کثیر القومی فضائی مشق میں کئی اہم فضائی افواج، خاص طور پر ترکیہ فضائیہ، سعودی فضائیہ، اور مصری فضائیہ سمیت دیگر اہم ممالک شریک ہیں،آرمی چیف جنرل سید عاصم منیر،نشان امتیاز (ملٹری) فضائی مشق انڈس شیلڈ 2024 کا مشاہدہ کریں گے۔
آرمی چیف کومشق کےوسیع دائرہ کار کےبارے میں ایک جامع بریفنگ بھی دی جائے گی، انڈس شیلڈ 2024 کا بنیادی مقصد حصہ لینے والے ممالک کے درمیان باہمی تعاون کو بڑھانا، فوجی تعاون کو مضبوط بنانا اور اسٹریٹجک شراکت داری کو فروغ دینا ہے
انڈس شیلڈ 2024 علاقائی سلامتی کے لیےپاکستان کے عزم اور اتحادی ممالک کے درمیان مشترکہ آپریشنل تیاری کو فروغ دینے میں اس کے کردار کو اجاگر کرتی ہے
یہ جدید حکمت عملی کی نمائش اور شریک فضائی افواج کے درمیان باہمی افہام و تفہیم کو بڑھانے کے لیے ایک پلیٹ فارم کے طور پر کام کرتا ہے۔
