گلگت بلتستان کے علاقے وادی داریل میں پاک فوج اور ایس سی او کی جانب سے فری لانسنگ ہب کا قائم کردیا گیا جو پاک فوج کی جانب سے گلگت بلتستان کی عوام کے لیے ایک نایاب تحفہ ہے۔
ایس سی او کی جانب سے گورنمنٹ بوائز ہائی سکول داریل میں فری لانسنگ ہب قائم کیا گیا، سکول کے پرنسپل احسان اللہ نے پاک فوج کے احسن اقدام کو سراہتے ہوئے کہا کہ میں پاک آرمی اور ایس سی او کا شکر گزار ہوں کہ انہوں نے ہمیں ایک بہترین سینٹر قائم کر کے دیا ہے۔
اسکول پرنسپل کا کہنا ہے کہ دریل میں پہلی بار ایک فری لانسنگ ہب قائم ہوا ہے، اس فری لانسنگ ہب سے بچے ان لائن بزنس، فری لانسنگ اور ڈیجیٹل مارکیٹنگ سیکھیں گے، اس فری لانسنگ ہب سے ہم قومی اور بین الاقوامی سطح پر اپنے پروجیکٹس متعارف کروا سکتے ہیں۔
انہوں نے مزید کہا کہ طلباء کے لیے یہ فری لانسنگ ہب بنایا گیا جو کہ بہت خوش آئیند ہے، سکول کے بچوں کو اس ہب سے بہت کچھ سیکھنے کو ملے گا، ہم پاک فوج اور چیف آف آرمی سٹاف کے شکر گزار ہیں، علاقہ مکینوں اور نوجوانوں نے افواج پاکستان کا تہہ دل سے شکریہ ادا کیا۔
