بھارتی اے ٹیم نے ایمرجنگ ایشیا کپ ٹورنامنٹ کے میچ میں پاکستان کو 7 رنز سے شکست دے دی ۔
پاکستان شاہینز اور بھارتی اے کرکٹ ٹیمیں ایمرجنگ ایشیا کپ ٹورنامنٹ کے چوتھے میچ میں مدمقابل تھیں جہاں بھارتی ٹیم نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 183 رنز بنائے۔
بھارتی کپتان تلک ورما 44 رنز کے ساتھ نمایاں بیٹر رہے جبکہ ابھیشیک شرما نے 35 رنز کی اننگ کھیلی۔
شاہینز کی جانب سے سفیان مقیم نے 2 جبکہ محمد عمران اور زمان خان نے ایک ، ایک وکٹ حاصل کی۔
جواب میں پاکستانی ٹیم مقررہ 20 اوورز میں 7 وکٹوں کے نقصان پر 176 رنز بناسکی اور بھارت نے 7 رنز سے کامیابی سمیٹ لی۔
گرین شرٹس کی جانب سے عرفات منہاس 41 رنز کی اننگ کھیل کر نمایاں بیٹر ہے جبکہ یاسر خان نے 33 اور قاسم اکرم نے 27 رنز کی اننگ کھیلی۔
