کمانڈر بلوچستان کور نے بین الاقوامی سوپر فلائی ویٹ باکسنگ چیمپئن محمد وسیم سے ملاقات کی ہے۔
کمانڈر بلوچستان کور نےمحمد وسیم کو حالیہ کامیابی پر مبارکباد پیش کی اور ان کی کارکردگی کو سراہا،کمانڈر بلوچستان کور نے کہا کہ محمد وسیم نے اپنی محنت اور لگن سے نہ صرف پاکستان کا نام بین الاقوامی سطح پر روشن کیا ہے بلکہ نوجوان نسل کے لیے ایک مثبت مثال قائم کی ہے۔
کمانڈر نےکہا محمد وسیم کی کامیابی اس بات کا ثبوت ہے کہ بلوچستان کے نوجوان عالمی سطح پر اپنا مقام بنانے کے لیے پرعزم ہیں۔
کمانڈر بلوچستان کور نے محمد وسیم کو بطور انعام کیش پرائز بھی دیا،محمد وسیم نے اپنی کامیابی کو قوم کے نام کرتے ہوئے پاک فوج کی حوصلہ افزائی اور سپورٹ پر شکریہ ادا کیا۔
